🪶 Tesouros Agochados

Tesouros Agochados é unha experiencia única que mestura arte, natureza e aventura na túa propia contorna. 🗺️ Cada reto consiste en localizar pequenos obxectos escondidos, cada un cunha historia que conecta coa nosa terra e coa tradición local.

A través desta iniciativa queremos que descubras lugares emblemáticos e recunchos cheos de historia, que quizais nunca antes reparaches. 🚶‍♂️💚 Cada tesouro atopado é unha pequena sorpresa que che permite participar na comunidade, compartir as túas aventuras nas redes sociais e seguir descubrindo novos retos.

Únete á caza, coñece os segredos do teu barrio e convértete nun explorador urbano! Cada tesouro agochado é unha oportunidade de vivir unha experiencia divertida, educativa e inspiradora.

📌 Síguenos nas redes sociais para non perderte ningunha das nosas aventuras e participar nos retos futuros.

🎯 Reto activo

🌿 O tesouro xa está agochado…

Unha nova peza única espera ser atopada.
Está en Canido, pero non será tan doado dar con ela.

📍 Pista xeral: preto do lavadeiro da Insua
🎥 Mira o vídeo coas pistas:

🔹 Capítulo I — O comezo

Primeiro reto: O tesouro do Lavadoiro da Insua

O primeiro Tesouro Agochado levounos ata un lugar cheo de memoria e identidade: o Lavadoiro da Insua, no barrio de Canido. Un recuncho discreto, pero cargado de historia, onde durante anos as veciñas se reunían para lavar, falar e compartir vida.

Neste escenario, entre pedra, auga e silencio, agochouse o primeiro tesouro. Un pequeno obxecto artesanal, creado con coidado, esperando a ser descuberto por alguén curioso, atento… e con ganas de explorar.

A dinámica foi sinxela: pistas nas redes sociais, ollos ben abertos e moitas ganas de xogar. O resultado? Unha experiencia compartida, onde moita xente descubriu por primeira vez este lugar, e outros volveron miralo con novos ollos.

Este primeiro reto non foi só unha busca… foi unha invitación a redescubrir o noso entorno e a formar parte dunha pequena aventura colectiva.